Outras noticias...

IV edición MUFEST

Luns, Novembro 4, 2019

 

Esta edición está aberta a calquera directora, guionista ou produtora que presente a súa película orixinal (curtametraxe ou longametraxe) en galego, en castelán ou subtitulada nunha destas linguas.

O período de inscrición está aberto desde el 24 de outubro do 2019 ata o 10 de xaneiro do 2020 a través da plataforma https://filmfreeway.com/MUFEST?pending=true ou enviando un enlace seguro ao correo electrónico info@mufest.org.

Pódense consultar todos os requisitos, características e premios nas bases de participación así como todas as noticias relacionadas co MUFEST en:

MUFEST:

ANDAINA:

Proxecto Escoita

Mércores, Outubro 9, 2019

 

A Facultade está a colaborar co proxecto Escoita xunto co Concello da Coruña, o Deportivo, a ONCE e a Asociación da Prensa. O proxecto consiste na transmisión radiofónica dos partidos que o Deportivo xogue en Riazor a persoas invidentes que estarán no propio estadio e recibirían o sinal nuns receptores que se lles facilitarán. A iniciativa é posible que se traslade a outros equipos ( Basket Coruña, Liceo, Deportivo feminino…).

Para narrar os partidos pensamos en alumnos ou ex alumnos recentemente egresados da facultade. Recibirían formación para narrar partidos a través da radio en xeral por parte de profesionais radiofónicos, e especializada para narración a cegos a cargo da ONCE.

Os interesados deben poñerse en contacto co profesor José Videla:
videla@udc.es

Proxecto seleccionado

Mércores, Outubro 9, 2019

 

O proxecto TFG "Villa Peluxe" está entre os proxectos seleccionados dentro da convocatoria de Proxectos Lusoespañoles de 3D Wire 2019 como serie online infantil.

Accede ao capítulo >"Doces Voos"

Congreso TechLING

Xoves, Outubro 3, 2019

 

A Facultade de Ciencias da Comunicación da Universidade da Coruña acollerá o 9, 10 e 11 de outubro o Congreso Internacional techLING 2019, organizado polo Campus Innova en colaboración coa Universidade do Minho (Portugal).

Trátase da 4ª edición desta conferencia internacional que promove un diálogo efectivo entre diversos representantes de áreas de aplicación da tecnoloxía ás linguas. Nesta ocasión, o congreso versará sobre os seguintes catro eixos:

    · Ensino e tecnoloxía das linguas
    · Gamificación, transmedia e contidos audiovisuais para o ensino
    · Lingüística computacional
    · Lingüística de Corpus

O eixo "Gamificación, transmedia e contidos audiovisuais para o ensino" contará coa presenza de Miriam Hernanz, Subdirectora do LabRTVE, e de Óscar García Pañella, experto en Gamificación, Xogos Aplicados e Videoxogos (programa)

Aqueles interesados en asistir, deben realizar a súa inscrición nesta ligazón. A matrícula é gratuita para estudantes da Universidade da Coruña e o prazo de inscrición finaliza o venres 4 de outubro.

II edición KINO Galicia

Mércores, Setembro 25, 2019

 

Información sobre a II edición de KINO GALICIA que se celebrará do 10 ao 18 Febreiro en Santiago de Compostela.

Os " kinokabarets ou maratóns kino" son encontros creativos nos que durante unha semana fanse curtametraxes dentro da filosofía de colaboración, " Eu axúdoche e a túa axúdasme "

Por maior información e Inscricións: www.kinogalicia.com

Seminario de Cine

Martes, Setembro 24, 2019

 

O Seminario de Cinema da Facultade dedica a xornada do xoves, 25 de setembro a Quentin Tarantino.

A partir das 16:00 proxectarase no Salón de Actos a película Jackie Brown e posteriormente dialogarase sobre a obra do director norteamericano.

Páxinas