“A experiencia de traballar como animador 2D” con David Fidalgo Omil. A cita será o martes 18 de outubro ás 16:30h na aula 4.
Actividade aberta para toda a Facultade, realizada na materia Animación 2D de 4º curso do Grao en Creación Dixital, Animación e Videoxogos.
Colaboran: Comisión de Normalización Lingüística da Facultade e o Servizo de Normalización Lingüística da UDC.
“Secuenciar a realidade” da man do director, guionista e montador Marcos Nine. Actividade aberta para toda a comunidade universitaria da Facultade.
Será o luns día 10 de outubro ás 13h na aula 3. Actividade enmarcada na materia Teoría e Práctica da Edición e a Montaxe do Grao en Comunicación Audiovisual.
Colaboran: Comisión de Normalización Lingüística da Facultade e o Servizo de Normalización Lingüística da UDC.
Curso de creación de bandas sonoras desde cero dirixido ao alumnado da Facultade de Ciencias da Comunicación.
Os alumnos deberán inscribirse por correo electrónico a s.martinez@udc.es antes do día 5 de outubro de 2022.
• Para completar a inscrición deberá remitir ao seguinte correo s.martinez@udc.es o seu número de DNI e teléfono móbil.
• Unha vez formalizada a inscrición, o alumno recibirá un correo electrónico de confirmación.
Máis información no documento adxunto.
| Anexo | Tamaño |
|---|---|
 curso_creacion_bandas_sonoras.pdf | 104.96 KB |
Audible, a plataforma sonora de Amazon, pon en marcha Audible LAB un proxecto de captación de talento en colaboración con oito universidades españolas, entre elas a Universidade da Coruña no nome da Facultade de Ciencias da Comunicación.
A presentación deste proxecto, terá lugar o vindeiro luns 7 de marzo, ás 11:00h. no Salón de Actos.Se es estudante do grao de Comunicación Audiovisual ou do grao de Creación Dixital, Animación e Videoxogos na UDC, e queres achegar outra perspectiva a "o sonoro" esperámosche.
Ademais de coñecer máis sobre o proxecto Audible LAB e como participar no seu plan de formación-desenvolvo de produto, poderás asistir a unha master class de Chusé Fernández (http://chusefernandez.com/) sobre creatividade sonora.
COMversacións é un ciclo de charlas arredor da Comunicación organizado pola Cátedra Vegalsa-Eroski UDC de Compromiso social, Comunicación e Reputación corporativa, que dirixe a profesora da UDC Carmen Costa Sánchez.
No primeiro dos encontros, que se celebrará o 7 de marzo ás 13:00h no Salón de Actos da Facultade de Ciencias da Comunicación, a Cátedra Vegalsa Eroski debulla a relación entre Comunicación, Sustentabilidade e Confianza. Para falar e reflexionar sobre isto contamos coa participación de catro profesionais de gran prestixio. Jessica Rey, de Comunicación e Marketing de Casa Grande de Xanceda; María Sande, Xefa de Comunicación Noroeste Iberia Coca-Cola, Marta Rey, profesora da Facultade de Económicas e investigadora no ámbito da sustentabilidade e Carmen Costa, Directora do proxecto e profesora de xestión da comunicación.
Catro mulleres protagonistas e líderes, coas que compartir conversa na véspera do Día Internacional da Muller.
| Anexo | Tamaño |
|---|---|
| ciclo_comversacions_7marzo.pdf | 117.69 KB |
O obxectivo deste seminario é desenvolver as competencias básicas necesarias para enfrontar os procesos de selección de persoal utilizados polas empresas na avaliación das persoas candidatas ás ofertas de emprego ou de prácticas.
Realizarase no propio centro o día 02-02-2022, de 10:00 a 13:00 h (presencial).
Accede ao formulario de inscrición
| Anexo | Tamaño |
|---|---|
| seminarioorientacionlaboral_moduloii_pmec22_ccdacomunicacion.pdf | 138.49 KB |
En Instagram @3dcom_udc, están a organizarse actividades para o día 7 de decembro.
¡Esperámosche!
A Cátedra Vegalsa-Eroski UDC de Compromiso social, Comunicación e Reputación corporativa, dirixida pola profesora da Facultade de Ciencias da Comunicación, Carmen Costa Sánchez, organiza a I Xornada de Divulgación Social Comunicar [é] saúde. Comunicación para a saúde na sociedade-rede.
A presente Xornada, que será online e gratuita e terá lugar o 2 de decembro, reúne a académicos e profesionais para explicar e debatir, por unha parte, qué se está investigando en España no marco da comunicación para a saúde, e por outra, cómo trasladar información e consellos de saúde aos cidadáns nun contexto de multiplicidade de medios e plataformas.
Esta é a primeira xornada que se organiza na Universidade da Coruña sobre esta temática.
O resultado é un programa de primeiro nivel que esperamos resulte do voso interese. Inscríbete gratuitamente aquí: https://www.fundacion.udc.es/inscripcion.asp?id=1335
Asiste ao noso evento en directo: https://bit.ly/3BXdYZF