Outras noticias...

Ciclo SON [elas]

Xoves, Marzo 18, 2021

 

O vindeiro luns, 22 de marzo, ás 18:00h, inauguramos o ciclo de conferencias "SON [elas] Creatividade e produción de contidos sonoros".
O ciclo, organizado pola Facultade entre os meses de marzo e outubro, contará con diversas relatoras, especialistas e profesionais en diversos eidos da creación sonora.

As primeiras conferencias son
22 Marzo. “Unha produtora propia” para dar forma á voz da túa imaxinación. Mona León Siminiani [La Sonora Podcast]
26 Abril. "Creatividade vocal". Emma Rodero Antón [Media Psychology Lab, Universitat Pompeu Fabra]
3 Maio. “Escoita e verás”. Deseño sonoro para a inmersión e xeración de imaxes mentais. Mayca Aguilera. [Radio Nacional]

Esperámosvos o luns 22, ás 18:00h. aquí: https://bit.ly/2Qi41DV

Entrega de equipos

Martes, Decembro 15, 2020

 

Esta mañá tivo lugar na Facultade de Ciencias da Comunicación, a entrega de 30 equipos informáticos á Asociación ASDEGAL (Asociación Solidaria de Galicia), coa que a Oficina de Cooperación e Voluntariado iniciou hai uns meses unha relación de colaboración.

A entrega ten lugar grazas ao compromiso da Facultade, que sumouse a esta iniciativa solidaria. Ao acto asistiron o decano Luis Hernández, a vicerreitora de Internacionalización e Cooperación Pilar García de la Torre, e a delegada en Coruña de ASDEGA, Teresa Berbel.

Os equipos irán a parar a familias en situación de vulnerabilidade que teñen fillos e fillas en idade escolar, para que poidan seguir as súas clases de forma telemática nestes tempos de pandemia.

Resolución Premio TFG

Xoves, Outubro 29, 2020

 

O tribunal de selección, reunido o 28 de outubro de 2020 e formado polas seguintes persoas:

a. Sandra Martínez Costa, profesora da Facultade de Ciencias da Comunicación
b. Rocío Mihura López, profesora da Facultade de Ciencias da Comunicación
c. Marisol Ríos Noya, técnica do Servizo de Normalización Lingüística da UDC

Decide, por unanimidade, conceder o premio ex aequo aos TFG titulados:

- “Melgas”
- “Nume”

PARABENS!

IV Máster Com. Deportiva

Domingo, Outubro 11, 2020

 

Debido á situación actual derivada da pandemia, ampliamos o programa de bolsas para esta edición do Máster en Comunicación Deportiva.

Prepara o teu futuro laboral da man dos mellores profesionais, e accede á nosa bolsa de prácticas. Metodoloxía práctica.

Por maior información: VI MÁSTER EN COMUNICACIÓN DEPORTIVA

Mulleres e videoxogos

Venres, Setembro 25, 2020

 

á segunda edición das xornadas internacionais "Mulleres detrás dos videoxogos", que este ano se celebrarán de forma virtual entre os vindeiros 2 e o 9 de outubro.

Este evento, organizado por profesorado da Facultade, en colaboración con Women in Games WIGJ, o Centro de Estudos de Xénero e Feministas CEXEF e o Campus Innova, conta con financiación do Instituto de la Mujer y para la Igualdad de Oportunidades.

Estamos pechando un programa que combina relatorios e faladoiros en directo, abertos á participación do público, con outro tipo de contidos en vídeo e unha exposición virtual sobre pioneiras dos videoxogos.

Na xornada inaugural (venres 2) contaremos con Cecilia Castaño, Catedrática de Economía Aplicada da Universidade Complutense de Madrid, experta en Xénero e tecnoloxía, e con Jane McGonigal, deseñadora de Videoxogos e escritora.

Esperamos contar coa vosa presenza.

TFG Temática Gallega.

Xoves, Setembro 24, 2020

 

Premio destinado a todo o alumnado de TFG da Facultade de Ciencias da Comunicación da UDC que presentase o seu traballo nalgunha das tres convocatorias do curso 2019-20.

As pezas deberán estar gravadas en lingua galega que deberá ter plena visibilidade e corrección. É imprescindible o seu carácter inédito. O premio é único e terá unha contía de 250 euros.

A data límite de inscrición e entrega do traballo é o 16 de outubro de 2020.

AnexoTamaño
PDF icon 2019_2020_bases_premio_tfg_convocatoria.pdf_2063069239.pdf18.43 KB
Ficheiro 2019_2020_premio_tfg_solicitude.docx_2063069239.docx83.37 KB

Páxinas