Curriculares

CAV - MODIFICACIÓN GRAO

Luns, Xullo 7, 2025

 

O Grao en Comunicación Audiovisual da UDC está inmerso nun proceso de modificación que supoñerá unha evolución significativa na súa estrutura formativa. Esta actualización responde o compromiso de ofrecer un ensino adaptado ás necesidades actuais do sector e aos perfís profesionais emerxentes, co obxectivo de seguir mellorando a calidade da formación que reciben os nosos estudantes.

O novo plan de estudos busca reforzar a dimensión práctica, actualizar os contidos e potenciar a especialización, respondendo así as demandas do mercado laboral e da sociedade. Trátase dunha aposta decidida por formar profesionais cunha visión integral e versátil do ámbito audiovisual.

A implantación do novo plan será progresiva, segundo o seguinte calendario:

Curso 2025-2026: 1er curso
Curso 2026-2027: 1er e 2º curso
Curso 2027-2028: 1er, 2º e 3º curso
Curso 2028-2029: 1er, 2º, 3º e 4º curso

Desde a Facultade de Ciencias da Comunicación agradecemos a confianza do alumnado e seguiremos traballando para ofrecer unha titulación de referencia no ámbito audiovisual.

Memoria do título sen modificar:

Grado en Comunicación Audiovisual (2021)

Memoria do título modificado:

Grado en Comunicación Audiovisual (2025)

MPXA: Listas definitivas

Xoves, Xuño 26, 2025

 

Unha vez reunida a Comisión de Selección do Máster Oficial de Produción Xornalística e Audiovisual (MPXA), conformada por Teresa Nozal Cantarero, José Francisco Sánchez Sánchez, María José Lanzo Baliña, Ramón Salaverría, Tomás García Morán e Germán Martínez Suárez, publícase a resolución das listas definitivas de adxudicación de prazas a estudantes españois e estranxeiros e listas de espera de ambas as especialidades para o próximo curso.

"De acordo á normativa da Universidade da Coruña aprobada en Consello de Goberno o 19/12/2024 relativa ao procedemento de preinscrición nos máster universitarios para o curso académico 2025/2026, o número total de persoas solicitantes admitidas neste prazo non superará o 50 % das prazas ofertadas (as prazas desta reserva que non se cubran acumularanse para o seguinte prazo). As solicitudes deste prazo que quedasen en lista de espera incorporaranse automaticamente ao seguinte prazo".

AnexoTamaño
PDF icon admitidos_nacionales_2025-2026_periodismo_y_produccion.pdf104.5 KB
PDF icon admitidos_extranjeros_2025-2026_periodismo_y_produccion.pdf106.59 KB
PDF icon lista_espera_nacionales_2025-2026_periodismo_y_produccion.pdf118.11 KB
PDF icon lista_espera_extranjeros_2025-2026_periodismo_y_produccion.pdf118.26 KB
PDF icon criterios_de_valoracion.pdf349.47 KB

LISTA DE MATERIAS ENGLISH FRIENDLY

Mércores, Xuño 25, 2025

 

No marco do procedemento de Planificación Anual de Materias en modalidade English Friendly, xa está dispoñible a listaxe de materias e profesorado que ofertarán docencia nesta modalidade na Facultade de Ciencias da Comunicación durante o próximo curso académico.

A proposta, que foi aprobada na Xunta de Facultade celebrada o 25 de xuño de 2025, responde o compromiso do centro coa internacionalización e o fomento do uso do inglés como lingua de apoio á docencia.

A lista de materias e docentes implicados é a seguinte:

Grao en Comunicación Audiovisual

3º curso. Infografía 3D-1 (código 616G01024): Francisco Javier Taibo Pena

4º curso. Interacción 3D (código 616G01044): Luis Antonio Hernández Ibáñez

Grao en Creación Dixital, Animación e Videoxogos

1º curso. Modelaxe 1 (código 616G02015): Francisco Javier Taibo Pena

4º curso. Empresa e emprendemento (código 616G02046): Ariadna Monje Amor

4º curso. Shading (código 616G02027): José Antonio Iglesias Guitián

4º curso. Técnicas avanzadas de Render (código 616G02024): José Antonio Iglesias Guitián

TRASLADO DE EXPEDIENTES

Mércores, Xuño 25, 2025

 

A Universidade da Coruña abriu o prazo de solicitude de admisión por cambio de universidade e/o de estudos universitarios oficiais españois e estranxeiros para o curso académico 2025/2026.

As persoas interesadas poderán presentar a súa solicitude entre o 1 e o 10 de xullo de 2025.

A documentación requirida deberá entregarse na Unidade de Xestión Académica Integrada (UXAI Socioloxía / Ciencias da Comunicación) ou enviarse por correo electrónico á dirección uxai.socom@udc.es dentro do prazo establecido.

AnexoTamaño
PDF icon impreso_de_solicitud_cambio_de_grado.pdf29.58 KB
PDF icon plazo_solicitud_cambio_estudios_ccc_2025-2026.pdf163.07 KB

CRTVG Convocatoria

Venres, Xuño 20, 2025

 

Informámosvos que a CRTVG vén de abrir unha nova convocatoria de selección de proxectos de contidos dixitais dotada con ata 357.000 € para a produción de 15 novos proxectos para as plataformas AGalega.gal e Xabarin.gal.

As datas de presentación das propostas son dende o 16 de xuño de 2025 ata o 1 de setembro de 2025 ás 15:00 horas.

¡Animádevos a participar!

Anexos: 
Ligazón á noticia

Páxinas