O vindeiro luns 10 de novembro, ás 15:00 h contaremos con Alberto Vázquez no Salón de Actos, para falarnos sobre o making off da súa nova película: Decorado.
O multipremiado director de animación Alberto Vázquez compartirá o proceso creativo e o making of da súa terceira película, estreada en cinemas o pasado 24 de outubro. A obra está baseada na súa curtametraxe homónima, gañador de múltiples premios —incluído o Goya— e seleccionado na Quincena de Realizadores do Festival de Cannes.
Alberto Vázquez é un dos directores de animación máis destacados do noso país e con maior proxección internacional. Autor de películas como Psiconautas, os nenos esquecidos e Unicorn Wars, e de curtametraxes como BirdBoy, Sangue de Unicornio ou Homeless Home, acumula máis de 100 premios internacionais (entre eles 4 Premios Goya, Annecy, Stuttgart, Quirino) e foi seleccionado en festivais de referencia como Cannes, Berlín, Toronto ou Clermont-Ferrand.
A súa traxectoria vai máis aló do cinema: é un recoñecido ilustrador e autor de novela gráfica e cómic, director do videoxogo Xerme e responsable da dirección artística de dous festivais: Imaxinaria (Festival Internacional de Animación) e Hematofesti (Festival de humor, literatura infantil e música).
Non faltes á cita!
desc.gamejam.pdf
