Outras noticias...

Premios María L. Morales

 

Ábrese o prazo para participar nos III Premios María Luz Morales. As persoas interesadas en participar nesta iniciativa, poden presentar os seus ensaios escritos e/ou os seus videoensaios sobre temática galega ou internacional ata o próximo 17 de marzo de 2019 a través do correo electrónico inscricions@academiagalegadoaudiovisual.gal.

Os traballos gañadores recibirán un galardón e 1.200 euros o vindeiro mes de abril de 2019 nun acto que se desenvolverá na provincia de Ourense.

Consulta aquí as bases desta edición: Bases III Premios María Luz Morales

Visita de Ajo Vadillo

 

O luns 10 de decembro ás 9:15 María José Vadillo impartirá unha sesión para dar a coñecer o Programa MIP Campus, que facilita a participación de estudantes nos mercados internacionais.

María José Vadillo representa en España a Reed MIDEM, a empresa que organiza o MIPTV e MIPCOM de Cannes, entre outros mercados audiovisuais. É unha experta en vendas internacionais de contidos audiovisuais.

A sesión está dirixida aos alumnos de 3º e 4º, aínda que estará aberta aos alumnos doutros cursos que teñan interese.

AnexoTamaño
PDF icon miptv_campus.pdf3.42 MB

Concurso OUFF 2018

 

Concurso de proxectos para o Festival Cinema Internacional de Ourense que celebrarase entre o 29 de novembro e o 5 de decembro. Deberase crear unha peza audiovisual nun tempo determinado (durante as 48 hs da fin de semana do evento), cun presuposto limitado (600€) e cunha duración establecida (entre 3 e 10 minutos).

Para ser seleccionados previamente deberase presentar unha pequena proposta coa idea e cos datos dos participantes. O resto das bases e condicións poden ser consultadas nos arquivos adxuntos.

Animamos a participar a todo o alumnado (ou egresados/as) da nosa facultade, posto que a inscrición é gratuíta, con premios de ata 600€.

A data límite para a recepción de proxectos é o luns 19 de novembro de 2018.

Charla-coloquio

 

O vindeiro martes 6 de novembro de 2018, ás 19.00 horas no Paraninfo da Universidade da Coruña, proxectarase o documental “Nenos de Calais: A hora da Xustiza” da cineasta e profesora da Universidade de Londres Sue Clayton.

Posteriormente haberá un coloquio coa directora inglesa, que moderará Keina Espiñeira, investigadora posdoctoral Juan da Cerva na UDC e tamén directora de documentais de investigación.

BAFTA en directo

 

O xoves 12 de abril ás 18 hs no Salón de Actos da facultade proxectarase en directo a cerimonia dos BAFTA 2018 de videoxogos.

Os nomeados nesta edición son: Nomeados 2018

Páxinas